هوسات للعباس عليه السلام هدية لروح أم البنين عليها السلام
حلف بالمرتضه العباس من طب حومة الميــدان
يسوﮒ اهل النفاق اليوم سوﮒ الأسد للخــــرفان
يدز الخانت الكرار برســـــــالة عـــجل للنيران
بالسيف وبالدم يمضيها
....
نبأعاجل وصل للـﮔوم ودخلت كل اميه انذار
ﮔـالو بالطفوف اليوم يمــــــكن راجع الكرار
بس طــبره ويطير الراس وماعنده أبد إنذار
عيب العباس يثنيها
...
لمها بسيفه لمن صال ولـــــــــمن هجم طشرها
تاهت وين تشرد وين ؟ والرايات كــــــــــسرها
منها شردت من الخوف ومنها الخوف بسمرها
تتماوج كلها بـﭼف ايده
....
حلف شبل الوصي بحسين وحـﮒ الزاﭼــيه أمه
معسكر بيت ابو سفيان واللي سانـــــــده يهجمه
وعله ارض الطفوف يزيد يذله وينكسر خشمه
يـﮔلب سافلها وعاليها
.....
ماطاح عله شط الماي لا ماطـــاحت زنوده
وخضر للوفه خنياب تملي الناس من جوده
موبس كربله وكوفان صارت ثاية حدوده
بفلاك السبعه يهابونه
.....
منول : بقلم ابو امنه
ليست هناك تعليقات:
إرسال تعليق